«አስቸጋሪ ምርጫዎች» ድራማ፥ ክፍል 1

ታሪኩ የሚያጠነጥነው ማጋሪያ በምትባል አንዲት ምናባዊ የአፍሪቃ ትንሽ ከተማ በግብርና በሚተዳደሩ ሰዎች ላይ ነው። ይቺ ከተማ በተደጋጋሚ በጎርፍ እና በኮሌራ ወረርሽኝ ስትጠቃ ቆይታለች። በተለይ ደግሞ  ፤ ገበሬዎች ተክል ተክለው የደረሰ ሠብላቸውን ለመሰብሰብ በሚፈልጉበት ዝናባማ ወቅት! ታዲያ ካለፉት ዓመታት አንስቶ የአየር ንብረቱ እጅጉን በመለወጡ ነገሮች ሁሉ ተባብሶባቸዋል። ለረዥም ዓመታትም ማኅበረሰቡ ለችግሩ ምንም መፍትሄ ሊያገኝ አልቻለም ነበር። በዚህ ዓመት ግን የሕዝቡን ሕይወት ለማሻሻል የገንዘብ ድጋፍ ተገኝቷል። ይህ ደግሞ እንደ ሃይማኖት እና ጓደኞቿ ካሪማ  እንዲሁም ሲሳይ ላሉ የማኅበረሰቡ ወጣቶች አስደሳች ዜና ሆኗል። ሦስቱ ወጣቶች የዩንቨርስቲ ትምህርታቸውን ለአንድ ዓመት አቋርጠው በቅርቡ በተመመሰረተው የአባባቢ እና ጤና ጥበቃ ጽሕፈት ቤት በነፃ ለማገልገል ተዘጋጅተዋል። በዚህ፦ «አንዳች ትክክል ያልኾነ ነገር አለ»በተሰኘው የመጀመሪያ ክፍል  ድራማ ካሪማ ልጇ በኮሌራ የተያዘበት ጓደኛዋ ሙኒራን ለመጠየቅ እቤቷ ሄዳ እናገኛታለን።

ደራሲ፦ ፒናዶ አዳማ ዋባ
አዘጋጅ፦ ማንተጋፍቶት ስለሺ