1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Rawar Afirka a yakin Ukraine

Zainab Mohammed Abubakar
June 16, 2023

An ji karar fashewar wasu abubuwa a birnin Kyiv a yayin da tawagar shugabannin Afirka da ke kokarin shiga tsakani a yakin Ukraine ke ziyara.

https://p.dw.com/p/4Sgku
Ukraine | Afrikanische Delegation in Bucha
Hoto: Valentyn Ogirenko/REUTERS

Shugaban Afirka ta Kudu Cyril Ramaphosa da wasu shugabannin kasashen Afirka sun isa Ukraine din ne a wannan Juma'ar (16.6.2023) don ganawa da shugaban kasar Volodymyr Zelenskyy da farko, kafin daga bisani su tattauna da shugaba Vladimir Putin a birnin St Petersburg a gobe Asabar.

Suna fatan karfafa gwiwar shugabannin Ukraine da na Rasha su amince da tsarin tattaunawar da diflomasiyya ke jagoranta.

Tawagar ta shugaba Ramaphosa ta kunshi Macky Sall na Senegal da Hakainde Hichilema na Zambiya da kuma shugaban Comoro Azali Assoumani, wanda a halin yanzu ya ke jagorantar kungiyar Tarayyar Afirka, daura da manyan 'yan siyasar kasashen Yuganda da Masar da kuma Kwango.