Kwangilar gina hanyar Lusaka

Gwamnatin Zambiya ta sanar da shirin sake gina hanyar Lusaka zuwa Ndola mai tsawon kilomita 327 zuwa wata babbar hanyar da ta rabu, a wani aiki da ake sa ran zai lakume sama da dalar Amurka miliyan 577 kwatankwacin Euro miliyan 528.

Shirin, wanda ya dade yana aiki, tsohon shugaban kasar Edgar Lungu ne ya fara tunaninsa kan dala biliyan 1.2. Lungu ya fuskanci kakkausar suka kan wannan makudan kudade, kuma ya kasa aiwatar da shi saboda karuwar basussukan da ake bin Zambia.

A shekarar da ta gabata ne shugaban kasar na yanzu Hakainde Hichilema ya soke rancen dala biliyan 1.6 daga bankunan kasar Chaina bayan da Zambiya ta kasa biyan basussukan da ake binta daga kasashen waje. Za a ayi amfani da kukaden rance ne wajen aiwatar da aikin hanya.