Trump ya haramta maziyarta daga Brazil

Fadar gwamnatin Amirka ta sanar da haramtawa matafiya daga Brazil shiga cikin kasarta domin dakile yaduwar annobar corona daga kasar ta kudancin Amirka.

Wannan mataki dai na zama babbar mahangurba ga shugaban Brazil Jair Bolsonaro wanda ke bin sahun shugaba Trump wajen taron gangamin jama'a da rashin martaba tazara a tsakanin juna.

Brazil na da mutane fiye da 347,000 da suka kamu da cutar ta COVID-19 inda a yanzu ta zama kasa ta biyu a duniya bayan Amirka ta cutar ta yi kamari.

Mutane fiye da 22,000 suka rasu a Brazil sakamakon annobar corona a fadin kasar