1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaGabas ta Tsakiya

Amurka ta jaddada ci gaba da kai hare-hare

Musa Tijjani Ahmad
February 4, 2024

Amurka za ta ci gaba da zafafa kai hare-haren maida martani kan mayakan Houthi da ke samun goyon bayan Iran, kamar yadda babban mashawarci Shugaba Biden kan tsaron kasar Jake Sullivan ya tabbatar a hirarsa da NBC.

https://p.dw.com/p/4c29S
Jirgin yakin Amurka da ke kai farmaki Yemen
Jirgin yakin Amurka da ke kai farmaki YemenHoto: U.S. Central Command/Handout via REUTERS

Kawancen dakarun Amurka da Burtaniya sun kaddamar da farmaki kan mayakan Houthi na Yeman, domin dakile hare-haren da mayakan ke kaiwa kan jiragen ruwan da ke shawagi a tekun Bahar Maliya da gabar tekun Aden.

Al'amura sun sake tsananta a yankin tun bayan kisan sojojin Amurka uku a Jordan a ranar 28 ga watan Janairun wannan shekara. A cewar ma'aikatar tsaron Amurka ta Pentagon, sojin na Amurka sun harba makamai masu linzami kimanin 85, a wurare 7 da ke kasancewa tungar mayakan Houthi  Siriya da Iraqi.

Sai dai kungiyar Houthin ta ce barazanar Amurka ba zai sauya musu ra'ayi ba, na goyon bayan da suke bawa al'ummar Gaza.