An dakatar da bore a Pakistan

Dubban mutanen da suka yi ta yin bore bayan sakin matar nan da ta yi wa addinin Islama batanci, sun mamaye tare da toshe manyan hanyoyin biranen Pakistan din ne cikin 'yan kwanakin nan.

A ranar Larabar da ta gabata ne suka fara zanga-zangar, bayan kotun kolin kasar ta saki Asia Bibi, wadda da ma ke zaman hukuncin kisa, bayan share shekaru takwas a gidan yari. 

Masu boren sun kai ga halatta jinin alkalan da suka yanke hukuncin sakin matar.

Batun batanci ga addini dai wani al'amari ne da ke zama babban laifi a Pakistan, kasar da ke da rinjayen al'umar musulmi a cikinta.