1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

An fara shari'ar maharan Spain

Yusuf Bala Nayaya
August 22, 2017

A wannan rana ta Talata ce mutane hudu da aka tsare ana zargi da hannu a harin Catalonia za su bayyana gaban kuliya don fiskantar shari'ar laifukan da suka aikata.

https://p.dw.com/p/2icoB
Spanien Archivbild Festnahme IS-Verdächtiger
Hoto: Imago/Agencia EFE

An dai tsara mutanen hudu da ke raye cikin wadanda ake zargi za su bayyana a gaban kuliya, abin da ke zuwa bayan halaka wasu mayakan da ke ikirari na Jihadi su takwas.

A ranar Litinin jami'an 'yan sanda a Spain sun bayyana cewa an harbe babban jigo a harin Barcelona Younes Abouyaaqoub, bayan dauki ba dadi da aka yi da shi, abin da ya kawo karshen nemansa ruwa a jallo da ake yi.

Shi dai Abouyaaqoub ya kasance cikin mutane 12 da ake zargi da kitsa amfani da mota wajen afkawa jam'a a Barcelona a wurin shakatawa na bakin ruwa a Cambrils, harin da kungiyar IS ta yi ikirari cewa ita ke da hannu a kai shi, karon farko a Spain.