1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

An gudanar da sallar Jumma'a a Hagia Sofia

Binta Aliyu Zurmi
July 24, 2020

A wannan Jumma'a aka koma gudanar da sallah a ginin Hagia Sofia na birnin Santanbul da ke Turkiyya bayan da ya shafe tsawon shekaru dari tara a matsayin majami'a.

https://p.dw.com/p/3fsNG
Hagia Sofia Mosque Türkei Istanbul
Hoto: AFP/Getty Images

Dubban mutane ciki har da shugaban kasar Turkiyya Racep Tayyip Erdogan da ya samu rakiyar ministan kudi na kasar da ke zama sirikinsa suka hallarci sallar jumma'ar, albarkacin gwagwarmayar da al'ummar kasar masu kishin addini Islama suka kwashe tsawon lokaci suna yi.

Wannan mataki dai na zuwa ne bayan da wata kotu a birnin ta yanke hukuncin mai da ginin Hagia Sofia zuwa masallaci. Ra'ayoyi sun banbanta a ciki da wajen kasar tun bayan wannan hukunci. Tuni hukumar raya ilimi da al'adu ta Majalisar Dinkin Duniya, UNESCO ta nuna rashin jin dadi kan matakin mayar da wanann ginin tarihi zuwa masallaci.