Sojoji sun kashe 'yan tawayen Burundi

Rundunar sojin Kwango ce ta sanar da haka a Lahadin nan, tana mai cewa wani atisayen hadin gwiwa na kasashen biyu ne ya kutsa kai har maboyar 'yan tawayen kuma ya yi nasara a kansu.

Sojojin Kwangon a cikin wata sanarwa da suka fitar sun bukaci matasan yankin Kivu, inda lamarin ya faru da su yi kokarin nesanta kawunansu da 'yan tawayen na kan iyaka.

Tun dai a watan Agustan da ya gabata, sojojin Burundi ke aikin samar da tsaro a gabashin Kwango a matsayin wani bangare na aikin samar da zaman lafiya na kungiyar kasashen gabashin Afirka.