An kashe gomman mayakan al-Shabaab

A cikin sanarwar da ma'aikatar yada labarai ta kasar ta fitar, ta ce dakarun Somaliyan tare da hadin gwiwar dakarun kasa da kasa sun lalata tarin ababen hawan mayakan da kuma makamai a kauyen Bulo-Madni da ke yankin. Wasu shaidun gani da ido sun sanar da cewa, sun ji karar ababen fashewa a arewa maso yammacin birnin Magadishu, sai dai ba su da tabbaci kan adadin wadanda suka mutu.

Har yanzu, kungiyar al-Shabaab ba ta mayar da martani kan harin ba. A baya-bayan nan dai, dakarun sojan Somaliya tare da hadin gwiwar sojojin hadaka na kungiyar Tarayyar Afirka na samun galaba kan mayakan na al-Shabaab da ke kai hare-hare a manyan wurare a kasar. Ko a watan Octoban da ya gabata kungiyar ta al-Shabaab ta dauki alhakin kai harin bam da ya kashe a kalla mutane 120 a babban birnin kasar Magadishu.