1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

An nada Sarkin Ingila bayan shekaru 70

Muntaqa Ahiwa
May 6, 2023

An nada Sarki Charles na III a matsayin Sarki a Burtaniya inda ya gaji mahaifiyarsa Elizabeth ta II wadda ta rasu a bara.

https://p.dw.com/p/4Qzaq
Nadin Sarki Charles III a birnin Landan
Hoto: Jonathan Brady/PA/AP/picture alliance

A wannan Asabar din ne aka gudanar da bikin nadin Sarki Charles na III a matsayin Sarki a Burtaniya, inda ya gaji mahaifiyarsa Elizabeth ta II wadda ta mutu a bara.

Wannan ne nadi a hukumance da aka yi Burtaniya ke gani tun bayan wanda aka yi a ranar 2 ga watan Yunin shekarar 1953, wato kusan shekaru 70 da suka gabata.

Manyan baki daga sassa daban-daban na duniya sun kasance a Cocin Westminster Abbey da ke birnin Landan, inda suka shaida nadin Sarki Charles na III da misalin karfe 11:02 agogon GMT.

Firaministan Burtaniyar Rishi Sunak da sauran tsoffin Firaministocin kasar su bakwai sun kasance a wajen bikin nadin.

Sarki Charles na III dai ya ce bai zama sarki don mutane su rika yi masa bauta ba, domin shi ne zai yi musu.