1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Sakataren Majalisar Dinkin Duniya ya shawarci wasu kasashe

Zulaiha Abubakar
May 20, 2020

Sakataren Majalisar Dinkin Duniya Antonio Guterres ya bukaci kasashen da suka cigaba, da su koyi darasin matakan da kasashen Afirka suka dauka domin dakilewa da kuma hana yaduwar cutar corona.

https://p.dw.com/p/3cV4B
Coronavirus - UN-Generalsekretär Guterres
Hoto: Imago/L. Radin

Ya kuma kara da cewar annobar ta COVID-19 ba ta yi mummunar illa a nahiyar Afirka ba kamar yadda masana lafiya suka yi hasashe tun farkon billar ta, don haka ya zama wajibi zauren Majalisar Dinkin Duniya ya godewa da dama daga cikin kasashen na Afirka da kungiyoyi sakamakon jajircewa a fagen yaki da cutar da ta haifar da tsaiko a bangaren Ilimin da tattalin arziki.

 

Kasa da mutane 3000 ne suka rasa rayukansu daga cikin mutane 88,000 da suka kamu da cutar corona a nahiyar Afirka, adadi mafi karanci cikin mutane dubu dari 320 da suka mutu a fadin duniya sakamakon kamuwa da annobar ta COVID-19.

Antonio Guterres ya jaddada bukatar saukakawa kasashe masu karamin karfi hanyoyin biyan bashi.