1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaAfirka

Illolin katse aikin riga-kafi a Afirka

Ramatu Garba Baba
April 28, 2022

Hukumar Lafiya ta Duniya ta baiyana damuwa kan yadda aka katse aikin riga-kafi na cututtuka a Afirka bayan da duniya ta mayar da hankali kan yakar cutar corona.

https://p.dw.com/p/4AaND
Impfstoff zur Impfung gegen Masern auf einem Impfpass
Hoto: imago images/photothek

Annoba corona ta janyo katsewar aikin riga-kafi a kasashen Afirka, inda yanzu ake fuskantar kalubale daga cututtuka masu yaduwa. Reshen Hukumar Lafiya ta Duniya (WHO) a Afirka, ya gano cewa, adadin wadanda cutar kyanda ta kama ya haura dubu goma sha bakwai a tsakanin watannin Janairu da Maris da suka gabata.

Hakazalika akwai kasashe kimanin ashirin da hudu da aka sake samun bullar cutar Polio ko Shan Inna, alkaluman da suka haura na bara, kuma hakan na a sakamakon yadda duniya ta kwashi kimanin shekaru biyu tana yakar annobar corona ba tare da ta bai wa wadannan cututtukan da ake iya amfani da allurar riga-kafi wajen dakilesu mahinmanci ba.

Hukumar ta WHO ta nemi a dauki matakin gaggawa a gudanar da riga-kafi wanda ya fi magani don ceto rayuka a Afirka kafin wanki hula ya kai dare.