An yi wa mutane miliyan 20 rigakafin corona a Birtaniya

Hukumomi na kiwon lafiya a kasar ne suka fidda wadannan alkaluma a wannan Asabar din, inda suka ce suna ci gaba da bakin kokarinsu wajen ganin an ci gaba da yin rigakafin ta yadda gaba dayan al'ummar kasar za su samu.

Birtaniya dai na daga cikin kasashen Turai da annobar ta yi wa ta'annati kuma har yanzu ake ci gaba da samun wadanda ke kamuwa da cutar da ma wadanda ke rasa rayukansu sakamakon kamuwa da ita, sai dai adadin da ake samu a yanzu bai kai wanda aka rika gani a watannin da suka gabata ba.