1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Austria za ta tilasta yin rigakafin corona

Abdullahi Tanko Bala
November 19, 2021

Austria ta zama kasa ta farko a nahiyar Turai da ta sanar da tilasta yin allurar rigakafin corona kuma daga mako mai zuwa za ta sanya kwarya-kwaryar dokar kulle sakamakon cutar corona da ke cigaba da yaduwa.

https://p.dw.com/p/43H1A
BG Europaweiter Kampf gegen Covid-19
Hoto: Lisi Niesner/REUTERS

Dokar kullen wadda za ta fara aiki daga ranar Litinin ta na daga cikin tsauraran matakai da aka sake bullo da su a nahiyar Turai a 'yan  makonnin nan ganin yadda cutar ke yaduwa a fadin nahiyar saboda yadda wasu ke kin karbar allurar rigakafin.

A karkashin dokar kullen ta kwanaki 20 ba za a bar mutane su fita ba sai dai zuwa wurin aiki ko kanti domin sayin kayan amfanin gida da suka zama wajibi.

Sai dai kuma ba za a rufe makarantu ba duk da cewa an umarci iyaye su kula da 'ya'yansu a gida. An kuma bada shawarar ma'aikata na iya yin aiki daga gida.