Azumi cikin tsadar rayuwa a Afirka

Azumin a bana ya zo wa mutane cikin mawuyacin hali na tattalin arziki a duniya, babu ma kamar a kasashe masu tasowa. Baya ga tsadar kayayyaki da karancin ruwan sha, akwai ma matsalar tsananin zafi a galibin kasashen. Matsalolin dai sun fi matsa wa al'umomin kasashe ne irin su Najeriya da Nijar da Ghana da Kamaru da Chadi inda masu karamin karfi ke kokawa da yadda suke galabaita a sakamakon yanaye-yanayen a bana.