1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Belarus ta ce ana shirin kai wa Rasha hari

Muntaqa Ahiwa
July 12, 2022

Yayin da dangantaka ke tsami tsakanin Rasha da kasashen yammacin duniya, gwamnatin Belarus ta ce akwai wani shiri da ta gano na kai wa Rasha hari daga yamma.

https://p.dw.com/p/4E15X
Russland | Alexander Lukaschenko und Wladimir Putin
Hoto: Mikhail Klimentyev/Sputnik/Kremlin Pool Photo via AP/picture alliance

Shugaba Alexander Lukashenko na kasar Belarus, ya yi ikrarin cewa kasashen yammacin duniya na shirin kai wa Rasha hari ta kasar Ukraine da ma ta ita kanta Belarus.

Shugaba Lukashenko wanda ke jawabi lokacin bikin yaye manya da kananan hafoshin sojan kasar, ya ce tuni suka tattauna da Shugaba Putin na Rasha a kan wannan batu.

Belarus wacce babbar kawa ce ga Rasha, na dauke da sansanonin da dakarun Rasha ke cikin su kuma daga nan suna kai wa makwabciyarta Ukraine munanan hare-hare.

Kasashen yammacin duniyar dai ba su fito fili, sun bayyana shirinsu na kai wa Rasha hari ba duk da zafin yakin da gwamnatin Shugaba Putin ta kaddamar kan Ukraine da suke ji.