Blair ya yi kira ga kasashen Larabawa da su tinkari kalubale daga Iran

FM Birtaniya Tony Blair ya yi kira ga kasashen musulmi masu sassaucin ra´ayi da su kafa abin da ya kira kawance na ´yan sassauci don tinkarar kalubalen da ake fuskanta daga Iran. Lokacin da yake jawabi a Dubai a karshen rangadin kasashen yankin GTT Blair ya bayyana yakin da ake yi da akidojin masu tsattsauran ra´ayi da cewa shi ne kalubalen da ake fuskanta a wannan karni na 21.