Bore da yajin aiki a ƙasar Girka

Yan sanda a birnin Athens na ƙasar Girka suna can suna karawa da masu bore, masu boren dai suna adawane da shirin tsuke bakin ajihu gwamnati, inda suke amfani da kwalabe da bama bamai haɗin gida, inda suke taho mugama da yan sanda. Yan sanda su kuwa suna mayar da martani da fesa hayaƙi mai sa kwalla, abinda kuma ya sa boren na yau ya rikiɗe izuwa wata babbar tazuma. Aƙalla mutane dubu 50 suka shiga boren wanda kungiyoyin ƙwadogo suka ƙira a yi. Yajinn aikin da aka shiga a ƙasar dai ya sa an rufe makarantu, kana ya katse zirga-zirgar jiragen sama.

Mawallafi: Usman Shehu Usman

Edita: Umaru Aliyu