1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

CDU ta dinke baraka kan raunin shugabanci

Abdul-raheem Hassan
November 23, 2019

Taron jam'iyyar ya amince da jagorancin Annegret Kramp-Karrenbauer a matsayin shugaba tare da yin watsi da bukatar sake zaben magajin Merkel.

https://p.dw.com/p/3Tbio
Deutschland | CDU-Parteitag in Leipzig
Hoto: Getty Images/S. Gallup

A wani mataki na nuna alamun dinke barakar da ke neman kunno kai a jam'iyyar CDU ta Shugabar gwamnatin Jamus Angela Merkel shugabannin jam'iyyar sun cimma kudurin mara baya ga jagorancin shugabar jam'iyyar Annegret Kramp-Karrenbauer

Bisa al'ada jam'iyyar CDU na fidda wanda zai mata takara ba tare da mambobinta sun yi zabe ba, sai dai a wannan karon rukunun matasa a jam'iyyar sun so a jingine tsohuwar al'adar jam'iyyar domin sake zabe don samarwa jam'iyyar sabuwar makoma.

Yayin taron jam'iyyar na shekara-shekara Annegret Kramp-Karrenbauer ta kare dukkannin tsare-tsare da manufofinta da ake suka, daga bisani taron jam'iyyar ya amince da kudurin jagorancinta.