China ta zarta kasashen duniya amfani da bakin gawayi

Wani ayarin masu bincike kan lamarin da ake kira da Ember ya sanar a ranar Litinin cewa a shekarar da ta gabata China ce ta samar da kaso 53 cikin 100 na lantarkin da aka samar ta hanyar amfani da gawayi, duk kuwa da yarjejeniyar da ake da ita na cewa za ta rage amfani da gawayin don alkinta muhalli.

Masana dai na cewa amfani da bakin gawayi wurin samar da lantarkin da China ke yi shi ne mafi hadari ga muhalli a cikin hanyoyin da ake samar da lantarki a duniya.

To amma a gefe guda, masu binciken na Ember sun jinjina wa Birtaniya inda suka ce ita ce kasar G20 ta baya-bayan nan bayan Jamus da ke kauce wa amfani da bakin gawayi, ta mayar da hankali wurin amfani da iska da hasken rana don samar da lantarkin da take bukata.