Afirka ta Kudu za ta je kotu a kan dokar corona

Wani babban jami'in gwamnatin kasar ya sanar da haka a wannan Alhamis jim kadan bayan taron ministocin kasar. A watan Maris din da ya gabata kasar ta sanya dokoki wanda ake ganin sun yi tsauri wurin takaita bazuwar coronavirus. Dokokin da jama'ar kasar ke ta guna-guna akai sune hana shan barasa da hana sayar da taba sigari da mahukumta suka yi da sunan coronavirus, inda wata kotun kasar ta ce irin wadannan dokoki sun sabawa doka. Sai dai da alama gwamnatin Cyril Ramaphosa ba ta ji dadin wannan hukunci ba, kuma ta ce za ta daukaka kara.