1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaSaudiyya

Daruruwan mahajjata ne suka rasa rayukansu a bana

Muntaqa Ahiwa
June 20, 2024

Sama da mahajjata mutum dubu guda ne aka tabbatar da cewa suka rasu yayin aikin Hajjin bana, saboda tsananin yanayi na zafi da aka gani a kasar Saudiyya.

https://p.dw.com/p/4hKWL
Yadda tsananin zafi ya yi ajalin mutane a Saudiyya
Yadda tsananin zafi ya yi ajalin mutane a SaudiyyaHoto: Rafiq Maqbool/AP Photo/picture alliance

Aikin Hajjin dai na kunshe da ayyukan ibada na tafiya a kafa na wasu sa'o'i a kasar da alkaluman zafi ya kai maki 51.8 a ma'aunin Celcius a wannan mako.

Aikin na Hajji dai na daga cikin manyan taruka da ake yi a duniya inda sama da mutum miliyan 1.8 suka gudanar da shi a wannan shekara.

Daga cikin wannan adadi dai baki daga wajen Saudiyyar mutum miliyan daya da dubu 600 ne.

Hukumomi a Saudiyyar sun ce an kai rahoton sama da mutum 2,700 da suka yi fama da matsaloli masu nasaba da tsananin zafi a ranar Lahadi kadai.