1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

EU za ta saka wa Iran sabbin takunkumai

Binta Aliyu Zurmi
January 23, 2023

A gaba a wannan Litinin din ministocin harkokin kasashen ketare na kungiyar tarayyar Turai a hukumance za su rattaba hannu a kan sabbin takunkumai da suka laftawa wasu jami'an kasar Iran.

https://p.dw.com/p/4MZPc
Flagge Iran und EU
Hoto: Zoonar/picture alliance

Jami'an diflomasiyyar EU sun ce kusan mutum 40 da kamfanoni da kungiyoyi ne wannan sabbin takunkuman za su shafa bisa take hakkinn al'umma da suka ce ana yi a kasar ta Iran.

Tun a watan Satumba bayan zanga-zangar da ta barke a kan mutuwar matashiya Mahsa Amini a hannun jami'an gyara hali na Hisba, Tehran ke amfani da karfi ta na murkushe masu boren. A baya-bayan nan ma ta rataye sama da masu boren 4.

Ko baya ga wadannan takunkuman, ministocin na tafka muhawarar ayyana jami'an hisba Iran a matsayin 'yan ta'adda.