1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

EU ta cimma matsaya kan tsadar makamashi

Fauziyya Dauda
October 21, 2022

Shugaban Majalisar Tarayyar Turai Charles Michel ya ce, shugabannin kungiyar EU sun cimma matsaya kan tsarin jadawalin da za su dauka don kare al'umma daga tsadar farashin makamashi.

https://p.dw.com/p/4IV7q
EU-Gipfel in Brüssel
Hoto: Belga/IMAGO

Shugaban ya bayyana hakan ne yayin taron kolin kungiyar na kwanaki biyu da ke gudana a birnin Bruseels na kasar Beljiyan domin lalubo hanyoyin magance matsalar makamashi da nahiyar ke fuskanta.

Har kawo safiyar wannan Juma'ar, an gaza dinke barakar da ke tsakanin wasu kasashe, wajen cimma matsaya kan kayyade farashin iskar gas. Sai dai shugabar hukumar Tarayyar Turai Ursula von der Leyen ta ce taron ya samar da tubali da zai bada damar ci gaba da aiki kan farashin makamashin.

A kalla kasashe 15 ne daga cikin 27 na mambobin kungiyar, suka amince da kayayyade farashin iskar gas don sassauta tsadar rayuwa da ake fama da ita. Sai dai Jamus da Faransa sun nuna adawa da wannan matakin, amma daga baya Jamus ta janye matsayinta.