1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Kwarya-kwaryar yarjejeniya a Idlib

Abdoulaye Mamane Amadou
March 6, 2020

Yarjejeniyar tsagaita wuta tsakanin Rasha da Turkiyya ta soma aiki a yankin Idlib, biyo bayan ganawar da shugabannin kasashen biyu suka yi a birnin Moscow.

https://p.dw.com/p/3YwoY
Syrien Zerstörung von Wohngebieten und Infrastruktur in Idlib
Hoto: AFP/L. Beshara

Rahotanni daga yankin Idlib na kasar Siriya sun tabbatar da cewa yarjejeniyar da Turkiyya da Rasha suka cimma ta tsagaita buda wuta ta soma aiki a yau Jauma'a 06.03.2020 a wani yunkuri na dakatar da gumurzu takanin dakarun Siriya masu goyoyn bayan Rasha da na Turkiyya.

Kungiyar kare hakin bil'Adama mai sa ido kan harkoki a kasar ta Siriya ta tabbatar da soma aiki da kwarya-kwaryar yarjejeniyar tsagaita wutar bangarorin suka cimma a yankin Idlib.

A yammacin jiya Alhamis ne dai shugaban Rasha Vladimir Putin da takwaransa na Turkiyya Recep Tayyip Erdogan suka gana tare da bayyana matakin yin aiki tare don kaucewa fito na fito a Siriya inda daga bisani suka sanar da cimma yarjejeniyar a lardin na Idlib da ke arewa maso yammacin Siriya.