Japan na tunawa da iftala'in girgizar kasa

Girgizar ta haddasa mummunar igiyar ruwa ta Tsunami,da ta janyo bala'in tashar nukiliyar ta Fukushima.da ke a Daiichi. Kamar kowace shekara, an yi shiru na minti daya a kasar da misalin karfe biyu na rana, karfe biyar agogon GMT. Girgizar kasar mai karfin maki tara a maunin Richter da ta afku a dukkannin tsibiran kasar na Japan  har zuwa China a lokacin da ta afku a ranar 11 ga watan Maris na shekara ta 2011, ta kashe rayukan mutane sama da dubu 18 yayin da wasu dubbai suka yi batan dabo.