Farmakin soja ya halaka mutane a Siriya

Masu sa ido a kan kare hakkin dan Adam a kasar Siriya ne suka sanar da wannan harin, inda suka kara da cewa harin ya shafi kauyuka biyar ne na yankin Idlib a yayin da jirgin yakin Rasha ya yi luguden wutan kan wata kasuwa da ya yi sanadiyar kashe mutane tara tare da karin wasu hudu a kauyen al-Bara, yara takwas na daga cikin wadanda harin ya rutsa da su. Shugaban Siriya Bashar Al-Assad ya sha alwashin kwato duk yankunan da ke hannun 'yan tawayen kasar.