Hillary Clinton ta yi nasarar kafa tarihi

Hillary Clinton ta yi nasarar kafa tarihi a Amirka, inda ta zama mace ta farko da aka tsayar a matsayin 'yar takara a zaben shugaban kasa. Ita dai mai dakin tsohon shugaba Bill Clinton kana tsohuwar Sakatariyar harkokin wajen Amirka ta samu tsayawa ne karkashin tutar jami'ar Democart a lokacin babban taro da ya gudana.

Cilton Za ta kara da dan takara Donald trump na jam'iyyar Republican a zaben da zai gudana a ranar 8 ga watan Nowamba mai zuwa. Sai dai kididdigar jin ra'ayin jama'a na baya-bayannan da aka gudanar ya nunar da cewar abokin hamayyarta ya zartata a farin jini.