1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Haramta burqa da nikabi a Holland

Binta Aliyu Zurmi
August 1, 2019

Kasar Holand ta fara aiki da dokar haramta duk wani abu da zai rufe fuskar mutum kamar burqa da nikabi a bainar jama'a, tare da cin tarar kudi ga duk wanda ya karya dokar.

https://p.dw.com/p/3NA8P
Niederlande Holland Burka
Hoto: AP

Daga cikin wuraren da dokar za tayi  aika sun hada da gine-ginen gwamnati da asibitoci da makarantu da motoci da jiragen haya da ke jigila a sassan kasar.

Tuni dai kungiyoyin Musulmi da na kare hakkin dan Adam a kasar suka nuna rashin amincewarsu da dokar yayin da wata jam'iya da ke da alaka da addinin Islama a birnin Rotterdam ta ce za ta biya tarar Euro 150 da za a karba ga duk wanda hukuma ta kama da karya dokar. 

Wani dan majalisa mai suna Geert Wilders da ya yi fice wajen sukar addinin Islama a kasar ne ya fara tado da maganar haramta amfani da Burka a kasar shekaru 10 da suka gabata kafin daga bisani majalisar dokokin kasar ta amince da batun a shekarar da ta gabata.