Iran: Ba yaki ko wata tattaunawa da Amirka

Khamenei ya bayyana haka ne a shafin Twitter inda ya ce a kwanannan Amirka na yawan magana kan kasar ta Iran kama daga batun kara wa Iran takunkumi ko batun yaki ko tattaunawa.

Akwai raderadi ko Iran za ta koma tattaunawa da Amirka bayan da kasar ta fice daga yarjejeniyar nukiliya ta 2015 da aka cimma tsakanin kasar ta Iran da sauran kasashen yammacin duniya.

Kasar Iran dai ta ce babu batu na tattaunawa da Amirka, kasancewarta ba a bar aminta da ita ba bayan da ta fice daga waccen yarjejeniya.