1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Isra'ila ta ce ta kammala harin ramuwar gayya kan Iran

Abdullahi Tanko Bala
October 28, 2024

Rundunar sojin Isra'ila ta ce ta kammala kai harin ramuwar gayya kan cibiyoyin sojin Iran. Amurka ta ce Isra'ila ta sanar da ita gabanin kai harin.

https://p.dw.com/p/4mFzW
Isra'ila ta kai har birnin Tehran na kasar Iran
Hoto: ATTA KENARE/AFP

Rundunar sojin Israila ta kai harin ramuwar gayya kan cibiyoyin soji a kasar Iran a farmakin da ta shafe sa'oi hudu da sanyin safiyar wannan Asabar din.

Sai dai sojojin Isra'ilar sun ce sun kammala harin na ramuwar gayya. Ta kuma gargadi Iran kan sake mayar da matani.

Amma kuma Iran din ta ce za ta mayar da martani, sai dai ba ta baiyana yanayi da kuma lokacin da za ta mayar da martanin ba.

Hare haren sojin Isra'ilar na matsayin ramuwa ga hare haren da Iran ta kai wa Isra'ila a ranar 1 ga watan Oktoba inda ta harba mata makamai masu linzami kusan 200

Hare haren na Iran sun biyo bayan kisan shugaban Hizbullah Hassan Nasrallah a karshen watan Satumba a Lebanon da kuma kisan jagoran Hamas Ismaila Haniyeh wanda ya rasu a wani harin bam a Tehran a cikin watan Yuli wanda Iran ta dora alhakin kisan sa a kan Israila.