Jam'iyyar Swapo a Namibiya na fuskantar kalubale

A kasar Namibiya an bude rumfunar zabe a zabukan shugaban kasa da na wakilan majalisar dokoki inda jam'iyyar da ke jan ragamar mulki ke fuskantar kalubale mafi girma tun bayan samun 'yancin kan kasar kusan shekaru 30 da suka gabata.

Kimanin mutum miliyan 1.3 aka yi wa rajistar zabe a kasar mai dimbin arzikin karkashin kasa da ke yankin kudancin Afirka.

Duk da koma-bayan tattalin arziki da matsaloli na cin hanci da rashawa da kuma fari, an yi hasashen cewa jam'iyyar da ke jan ragama ta Swapo za ta lashe zaben. Shugaban kasa Hage Geingob mai shekaru 78 na jam'iyyar ta Swapo da ke fuskankantar kalubale daga 'yan takarar 10 ciki har da mace a karon farko da kuma wani dan jam'iyyarsa, yana neman wa'adin mulki na biyu.