Masu neman mafaka daga Gabashin Afirka

Majalisar zartaswar ta Jamus dai ta shirya tattaunawa a wannan Litinin din domin ayyana kasashen Moroko da Aljeriya da kuma Tunisiya a matsayin kasashen da suke zaune lafiya, wadanda kuma basa bukatar a basu mafaka. Ko da yake akwai wadanda ke ganin cewa har kawo yanzu al'ummar kasashen ka iya zuwa domin neman mafaka duba da yadda ake ci gaba da samun rahoton take hakkin dan Adam. Idan dai har majalisar zartaswar ta Jamus ta amince da wannan kudiri, to 'yan wadannan kasashe uku da ke zuwa neman mafaka a Jamsu ka iya rasa wannan damar.