1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Jamus ta kori malamin 'yan shi'a daga kasar

Zaharaddeen Umar
August 29, 2024

Jamus ta bai wa malamin shi'a Mohammad Hadi Mofatteh umurnin ya fice daga kasar a kashin kansa, makonni biyar bayan da hukumomin Berlin suka rufe wata cibiyar yada addinin Musulunci da ya jagoranta a birnin Hamburg.

https://p.dw.com/p/4k3af
Hoto: Christian Charisius/dpa/pciture alliance

Umurnin da ma'aikatar cikin gida ta jihar Hamburg ta bai wa Mofatteh na bukatar malamin dan kasar Iran ya bar Jamus cikin kwanaki 14 ko kuma hukumomin Jamus su yi amfani da karfi su mayar da shi kasarsa. Bisa dokokin Jamus, idan har da malamin zai ki mutunta umurnin, zai iya fuskantar hukuncin dauri na shekaru uku a gidan yari.

Jami'an leken asirin Jamus ne suka bukaci arufe cibiyarda malamin ke jagoranta bisa zargin kasar Iran da kokarin cimma wasu manufofi ta hanyar amfani da cibiyar da ke nan Jamus. Ministar harkokin cikin gida Nancy Faeser ta ce malamin ya yi amfani da cibiyar wajen tallata tsauraran akidua Jamus.