Turai na zargin Rasha da satar bayanai

Sanarwar ta kara da cewa Tarayyar Jamus na da tabbas kan wannan zargi biyo bayan binciken da ta gudanar kan wata manhaja mai lakanin  APT 28  a Internet mallakar hukumar leken asirin Rasha. Sanarwar ta ja hankalin gwamnatin Rasha kan ta mutunta dangantakar da ke tsakaninta da kasashen kawance. Wannan zargi dai na zuwa ne bayan da kasashen Amirka da Birtaniya da kuma Netherland suke ci gaba da zargin Rashan da leken asirin al'amuran gudanarwar kasashensu. Har ya zuwa yanzu dai babu wani martani daga bangaren Rashan.