Taimako wajen yakar corona

Spahn ya ce Berlin na shirye wajen bada gudunmowar allurai na kwatankwacin dalar Amurka miliyan 61, a jawabin da yayi a jami'ar birnin  Johannesburg, inda ya ce Jamus na dokin bada tallafin fasaha, kamar Faransa da kungiyar Tarayyar Turai.

Jamus da sauran kasashen Turai dai sun yi adawa da tattauna batun jingine hakkin mallaka na fasahar hada rigakafin cutar COVID 19 da wasu kamfanoni suka samar, kan cewar yin haka zai kashe gwiwar kamfanoni masu zaman kansu yin bincike na gaba, kan wata allurar rigakafi makamanciyar ta coronavirus.

A nashi bangaren shugaban Faransa Emmanuel Macron, ya bukaci adalci da gaskiya dangane da tallafin allurar rigakafin da ake bai wa kasashe matalauta, musamman ta fannin farashin alluran.