1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

Kasashen EU za su taro a kusa da Ukraine

Fauziyya Dauda
June 1, 2023

Kungiyar tsaro ta NATO za ta sanya ido a sararin samaniyar Moldova yayin da ake sa ran a yau shugabannin Turai fiye da 40 za su halarci taron koli a kusa da iyakar Ukraine.

https://p.dw.com/p/4S2lJ
Hoto: Andre M. Chang/ZUMAPRESS/picture alliance

Taron dai ya kunshi dukannin kasashe mambobi 27 na kungiyar tarayyar Turai da kuma wasu kasashen Turan. Manufar taron ita ce, nuna goyon baya ga kasashen biyu yayin da Ukraine ke shirin mayar da martani ga mamayar da Rasha ta kaddamar a kasar. Taron na wannan Alhamis din wanda ba gayyaci kasashen Rasha da Belarus ba na kasancewa bita kan taron da shugabannin suka gudanar a bara a birnin Prague domin tattauna kalubalen siyasa.

A lokacin da take ganawa da manema labarai, shugabar kasar Maldova Maia Sandu ta ce zuwan shugabannin ya nuna cewa ana tare da Moldova da kuma makwafciyarta Ukraine, wadda ke fuskantar mamayar Rasha. Ana sa ran shugaban Ukraine Volodmyr Zelenskyy ya halarci taron.