Khashoggi: Trum ya musanta cewa yana kare Saudiyya

Da yake magana a gaban 'yan jarida a fadarsa ta White House, Shugaba Trump ya ce "ko kadan ba ya kare hukumomin Saudiyya, kawai dai ya na bukatar sanin gaskiyar lamari ne". Trump ya kara da cewa ya na jiran gaskiya ta bayyana ya zuwa karshen wannan makon duk kuwa da cewa kafofin sadarwa sun wallafa abubuwan da ke nunin cewa babu makawa an hallaka dan jaridar ne, wanda kuma ake zargin jami'an gwamnatin ta Saudiyya da suka fito daga birnin Ryad da hallaka shi.

Wannan lamari dai ya saka kasar ta Amirka cikin hali na tsaka mai wuya, ganin yadda take dasawa da kasar ta Saudiyya, inda kuma kowa yake jiran ya ga irin matakan da Amirkan za ta dauka a kai.