1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaNajeriya

Kotu za ta yanke hukunci kan zaben Najeriya

Binta Aliyu Zurmi MAB
September 6, 2023

Kotun sauraren kararakin zabe a Najeriya za ta yanke hukunci kan karar da manyan 'yan takarar neman shugabancin kasar a zaben 2023 suka shigar gabanta na neman a soke nasarar Shugaba Bola Ahmed Tinubu.

https://p.dw.com/p/4Vzv6
'Yan takaran shugaban kasa a zaben 2023: Peter Obi da Bola Tinubu da Atiku Abubakar Hoto: K. Gänsler/DW, Shengolpixs/IMAGO, EKPEI/AFP

An kwashe kusan watannin bakwai, alkalai biyar na sauraran korafe-korafe daga jam'iyyar PDP mai adawa da ta zo na biyu a zaben da kuma ta Labour Party wacce ta zo na uku. Atiku Abuubakar na neman kotu ta ayyana shi a matsayin wanda ya lashe zaben ko kuma ta soke shi gabaki daya bisa zargin tafka magudin zabe, yayin da Peter Obi shi ma ya bukaci a soke zaben don a gudanar da wani sabo.

Karin bayani: Najeriya: Korafe-korafe kan sakamakon zaben 2023

Za a watsa zaman kotun kai tsaye a gidajen talabijin din kasar da sauran kafofin watsa labarai. Jam'iyyar APC ta Shugaba Bola Ahmed Tinubu ta ce ba ta da wani fargaba a kan yadda hukuncin kotun zai kasance, kuma ta yi amannar cewar ita za ta samu nasara a shari'ar. 

Ko ma ya hukuncin kotun ya kaya, jam'iyyun PDP da LP na da dama sake daukaka kara zuuwa kotun koli.