1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Kungiyar EU na kara shiri kan tsaro

Jane McintoshJanuary 20, 2015

EU ta shirya tura wasu jami'an tsaro da zasu yi aiki na tallafawa shirin karya lagon shirye-shiryen ta'addanci, musamman a kasashen da ake samun masu tsatsauran ra'ayi.

https://p.dw.com/p/1EN2H
EU Arabische Liga Treffen Federica Mogherini mit Nabil al-Arabi
Nabil al-Arabi na kungiyar kasashen Larabawa da Federica Mogherini ta Kungiyar EUHoto: J. Thys/AFP/Getty Images

Kungiyar Tarayyar Turai na kara daukar matakan hadin kai na tsaurara tsaro da kasar Turkiya da ma wasu kasashen Larabawa.

Bayan kammala taro da mambobin kungiyar kasashen Larabawa a jiya Litinin shugabar shirin harkokin kasashen waje daga kungiyar ta EU Federica Mogherini, ta bayyana cewa kungiyar ta EU ta shirya tura wasu jami'an tsaro da zasu yi aiki na tallafawa shirin karya lagon shirye-shiryen ta'addanci.

Ta ce domin tabbatar da ganin dorewar dangantakar tsakanin su da kasashen na Larabawa zasu kafa wani shiri mai tsari da za a rika bibiya. Nan gaba kadan ne kuma cikin makonni zasu kaddamar da wasu aikace-aikacen a wasu kasashe da suka hadar da Turkiya da Masar daYemen da Aljeriya da kasashen yankin Gulf.

Mawallafi: Yusuf Bala
Edita: Umaru Aliyu