IS ta dauki alhakin harin Iran

Gwamnatin Iran ta bayyana kama wasu da ake zargi da hannu wajen kai tagwayen bama-bamai a wannan mako da suka halaka kimanin mutane 100. Harin da tuni tsagerun kungiyar IS masu kaifin kishin addinin Islama suka dauki alhakin kai wa. Ministan ciki na kasar Ahmad Vahidi ya shaida wa kofofin yada labaran kasar cewa akwai mutane da aka kama wadanda ake zargi suna da hannu kan harin.

A ranar Laraba da ta gabata aka kai harin kusa da kabarin tsohon kwamdann sojan Iran Qassem Soleimani wanda dakarun Amirka suka halaka kimanin shekaru hudu da suka gabata.