1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
SiyasaJamhuriyar Dimukuradiyyar Kwango

Kwango: Fada ya barke a Arewacin Kivu

Mohamed Tidjani Hassane
October 23, 2023

Kazamin fada ya barke tsakanin sojoji da kungiyoyi masu dauke da makamai da ke goyon bayan gwamnati da kuma 'yan tawayen M23 a gabashin Jamhuriyar Dimukuradiyyar Kwango.

https://p.dw.com/p/4XtBN
Sojojin Kwango
Hoto: Alain Uaykani/Xinhua/picture alliance

Wani wanda lamarin ya ritsa da shi da kuma ya samu mafaka a wani gari ya shaida wa kamfanin dillancin Faransa na AFP cewa 'yan tawayen M23 masu tayar da kayar baya a gabashin Kwango sun karbe iko da garin Kitsanga bayan dauki ba dadi da suka yi da sojoji.

Karin bayani: Kwango: 'Yan bindiga sun halaka mutane 46

Wata majiya daga ma'aikatar kiwon lafiya da ke yankin ta shaida wa AFP cewa an karbi mutane da dama da suka jikkata sakamakon fadan, duk da lafawar lamarin har yanzu al'umma na cikin fargaba.

Karin bayani: Daruruwan mutane sun mutu a Kwango

Dama dai tun a farkon wannan shekara 'yan tawayen na M23 ke yin artabu da sojojin Kwango a garin na Kitsanga da ke tazarar kilometa 80 daga arewa masu yammacin birnin Goma inda sojin ke fatattakar su amma suke sake dawowa.