Kungiyar ma'aikatan cikin jirgi sun bukaci karin albashi

Wannan jawabi na kunshe ne cikin sanarwar bayan taron da kungiyar ma'aikatan cikin jirgin ta rabawa manema labarai jim kadan bayan zaman sasantawa tsakanin kungiyar da kamfanin Lufthansa. Mataimakin shugaban kungiyar Daniel Flohr ya bayyana cewar an tashi daga zaman sasantawar baram-baram ba tare da cimma daidaito ba, a don haka shugabancin kungiyar ma'aikatan jirgin ya shirya tsaf don sanar da lokacin sabon yajin aiki. A watan Nuwamban da ya gabata ne kamfanin jiragen saman na Lufthansa ya soke wasu tafiye-tafiye sakamakon yajin aikin ma'aikatan jirgin wadanda suke bukatar karin albashi.