Manchester united ta kori Ole Gunnar Solskjaer

Kungiyar kwallon kafar Manchester United ta raba gari da mai horar da 'yana wasanta Ole Gunnar Solskjaer. Man U ta yi bankwana da mai horar da 'yan wasan bayan da ya share kimanin shekaru uku yana bai wa 'yan shahararriyar kungiyar horo. Sai dai zai ci gaba da aiki har zuwa karshen kakar wasa ta bana, kafin a bayyana wanda zai gaji dan kasar Norway din.

Raba gari da kocin, ba ya rasa nasaba da koma bayan da Man U ta fuskanta a baya-bayan nan, da ya kasance mafi muni a tarihin kungiyar, kashin da ta sha a wasansu da Watford da tayi mata ci hudu da daya a ranar Asabar da ta gabata, ya taimaka a korar Solskjaer. Darren Fletcher shi aka dora wa aikin jagoranci kungiyar a karawar da za ta yi da Villareal a Talatar mako mai kamawa a gasar Zakarun Turai.