Rikicin shugabanci ya mamaye NDC a Ghana

A yayin da sabbin jagororin suka fara yin bayanai har da ganawa da 'yan jarida, jiga-jigan jam'iyyar ta NDC har da tsohon jogorarta Cletus Avoka, ya ce sauyin bai wanzu ba musamman kasancewar majalisa na cikin hutu. Kuma wajibi ne sai da sahalewar kakakin majalisar bayan gabatar masa da aniyar jam'iyya, a tantance kuma a rattaba hannu kafin a iya yin wani sauyi.

Bayan sanar da canjin dai an yi cece-ku-ce har da tada husuma a mazabun jagororin da aka tsige inda daga bisani tarzoma ta kwanta. Amma duk da haka magoya bayan jami'ayya tun daga kasa sun nuna rashin jin dadi.

Matakin da ya zo a daidai lokacin da kuri'un jin ra'ayi ke nunin jama'ar Ghana na zumudin ganin sauyin gwamnati mai ci wadda ta yi silar tankewar kumci da matsin tattalin arziki da ake fama kuma yanzu watakila ita NDCn ta samu rarrabuwar kawuna sakamakon wannan.

Sai dai sabon shugaban jami'iyyar ya ce canji kan an yi kuma babu ja da baya duk kuwa da guna-gunin cewar yin hakan tamkar yi wa kai hasabi ne tare da hawan siratsin halaka a zabukan shekarar 2024 mai karatowa.