1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
Siyasa

EU ta damu ziyasar Ben-Gvir a Al-Aqsa

Zainab Mohammed Abubakar
January 4, 2023

Kungiyar Tarayyar Turai, ta yi suka kan ziyarar da ministan tsaron Isra'ila Itamar Ben-Gvir ya kai Masallacin Al-Aksa da ke birnin Kudus.

https://p.dw.com/p/4LkOO
Israel Sicherheitsminister Itamar Ben-Gvir provoziert mit Besuch des Gelände der Al Aksa Moschee in Jerusalem
Hoto: Minhelet Har-Habait/AFP

Jakadan hulda da kasashen ketare na kungiyar Josep Borrell ne ya bayyana hakan a birnin Brussel na kasar Beljiyam, yana mai cewa a matsayinsu na Tarayyar Turai sun damu kan matakin na Ben-Gvir, wanda ya saba da abin da aka amince da shi.

A cewarsa dama tuni tashin hankali da asarar ayuka suka karu a yankin a makonnin baya-bayan nan. Ya kara da cewa kungiyar ta EU na kira ga duka bangarorin biyu, su yi kokarin yayyafawa matsalar ruwa ba wai ruruta wutar trikicin ba.

Tuni dai a nasu bangaren, Falasdinawan suka shiga tattaunawar gaggawa domin sanin matakin  da ya kamata su dauka bayan ziyarar ta Ben-Gvir a Masalacin na Al-Aqsa.