An yi bikin girmama marigayi Mandela

Daga cikin shahararrun mawakan zamani da suka hallaci taron, akwai mawakiyar Amirka Beyonce da mijinta Jay Z da kuma kuma mawaka Pharrel Williams da Ed Shareen da sauransu. Mawakan sun kwashi dogon lokaci suna nishadantar da jama'a da suka yi dandazo a wajen bikin da aka tsara a karkashin jagorancin gidauniyar Global Citizen.

Bikin ya zo daidai da cika shekaru dari na haihuwar gwarzon da ya taka muhinmmiyar rawa a kawo sauyi ta hanyar samar da daidaito a tsakanin bakake da fararen fata a kasar. Ana son anfani da tallafin da za a samu daga bikin a ayyuka na yaki da talauci da yunwa da kuma rashin daidaito a tsakanin al'umma. Bikin ya sami halartar manyan 'yan siyasa da shugabanin kasashen Ghana da Ruwanda da Saliyo. Shugaban bankin duniya Jim Kim ya sanar da bayar da tallafin na dala biliyan daya.