1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Merkel ta isa inda Germanwings ya fadi

Ahmed SalisuMarch 25, 2015

Shugabar gwamnatin Jamus Angela Merkel da takwaranta na Faransa Francois Hollande sun isa inda jirgin Germanwings ya fadi a Faransa.

https://p.dw.com/p/1ExNh
Germanwings 4U9525 Flugzeugabsturz Statement Angela Merkel
Hoto: Reuters/H. Hanschke

Shugabannin dai sun je wajen ne don ganewa idonsu abinda ya faru daidai lokacin da kasashen Turai ke cigaba da nuna alhininsu dangane da faduwar jirgin a tsaunukan da ke kudancin Faransa, inda ake zaton fasinjojin jirgin da ma'aikatansa 150 sun rasu.

Masu bincike dai a cigaba da tattara bayanai don gano dalilin faduwar jirgin kana ana kokari wajen tataro gawarwakin mutanen da ke cikin jirgin.

A nan tarayyar Jamus ma dai ana cigaba da nuna alhini ga wanda suka rasu kana jama'a da dalibai na ta kai furanni gaban wata makaranta da ke kusa da birnin Düsseldorf wadda dalibanta 16 da malamansu biyu ke cikin wanda wannan hadari ya rutsa da su.