Hari ta sama ya halaka mutane 20 a Sudan

Masu aikin agajin ceto na Sudan sun bayyana cewa mutane 20 sun halaka ciki har da yara sakamakon hari hari ta sama a birnin Khartoun fadar gwamnatin kasar, sannan wasu mutanen kusan 30 suka jikata. Haka na zuwa lokacin da rundunar mayar da martanin gaggawa ta halaka wasu mutanen 25 a wani kauye na gabashin kasar.

Kimanin mutane dubu-150 suka halaka sakamakon yakin na Sudan tsakanin dakarun gwamnati da rundunar mayar da martanin gaggawa, tun lokacin da yakin ya barke tsakanin bangarorin biyu a shekarar da ta gabata ta 2023, ana zargin bangarorin biyu na rikicin Sudan da aikata laifukan yaki.